Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ubi disputata est ratio cum argentario,
  2. etiam ipsus ultro debet argentario:
  3. spes prorogatur militi in alium diem.
  4. haec sunt atque aliae multae in magnis dotibus
  5. incommoditates sumptusque intolerabiles.
  6. nam quae indotata est, ea in potestate est viri;
  7. dotatae mactant et malo et damno viros.
  8. sed eccum adfinem ante aedes. quid agis, Euclio?