Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. et multo fiat civitas concordior,
  2. et invídia nos minore utamur quam utimur,
  3. et illaé malam rem metuant quam metuont magis,
  4. et nos minore sumptu simus quam sumus.
  5. in maximam illuc populi partem est optimum;
  6. in pauciores avidos altercatio est,
  7. quorum animis avidis atque insatietatibus
  8. neque lex neque sutor capere est qui possit modum.
  9. namque hoc qui dicat “quo illae nubent divites
  10. dotatae, si istud ius pauperibus ponitur?”