Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Lege agito mecum. molestus ne sis. i et cenam coque,
  2. aut abi in malum cruciatum ab aedibus.
Cong.
  1. Abi tu modo.—
Evcl.
  1. Illic hinc abiit. di immortales, facinus audax incipit
  2. qui cum opulento pauper homine coepit rem habere aut negotium.†
  3. veluti Megadorus temptat me ómnibus miserum modis,
  4. qui simulavit mei honoris mittere huc causa coquos:
  5. is ea causa misit, hoc qui surriperent misero mihi.