Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Dromo, desquama piscis. tu, Machaerio,
  2. congrum, murenam exdorsua quantum potest.
  3. ego hinc artoptam ex proximo utendam peto
  4. a Congrione. tu istum gallum, si sapis,
  5. glabriorem reddes mihi quam volsus ludiust.
  6. sed quid hoc clamoris oritur hinc ex proximo?
  7. coqui hercle, credo, faciunt officium suom.
  8. fugiam intro, ne quid turbae hic itidem fuat.