Aulularia

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Apollo, quaeso, subveni mi atque adiuva,
  2. confige ságittis fures thensaurarios,
  3. si cui in re tali iam subvenisti antidhac.
  4. sed cesso prius quam prorsus perii currere?
Anthrax
  1. Dromo, desquama piscis. tu, Machaerio,
  2. congrum, murenam exdorsua quantum potest.
  3. ego hinc artoptam ex proximo utendam peto
  4. a Congrione. tu istum gallum, si sapis,
  5. glabriorem reddes mihi quam volsus ludiust.
  6. sed quid hoc clamoris oritur hinc ex proximo?