Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. poste demum huc cras adducam ad lenam, ut viginti minas
  2. ei det, in partem hac amanti ut liceat ei potirier.
  3. Argyrippus exorari spero poterit, ut sinat
  4. sese alternas cum illo noctes hac frui. nam ni impetro,
  5. regem perdidi: ex amore tantum est homini incendium.—
Art.
  1. Quid tibi hunc receptio ad te est meum virum?
Phil.
  1. Pol me quidem
  2. miseram odio énicavit.
Art.
  1. Surge, amator, i domum.
Dem.
  1. Nullus sum.
Art.
  1. Immo es, ne nega, omnium unus pol nequissimus.
  2. at etiam cubat cuculus. surge, amator, i domum.
Dem.
  1. Vae mihi.
Art.
  1. Vera hariolare. surge, amator, i domum.
Dem.
  1. Abscede ergo paululum istuc.
Art.
  1. Surge, amator, i domum.
Dem.
  1. Iam obsecro, uxor.
Art.
  1. Nunc uxorem me esse meministi tuam?
  2. modo, cum dicta in me ingerebas, odium, non uxor eram.
Dem.
  1. Totus perii.