Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. spectandum ne cui ánulum det neque roget.
  2. talos ne cuiquam hómini admoveat nisi tibi.
  3. cum iaciat, te ne dicat: nomen nominet.
  4. deam invocet sibi quam libebit propitiam,
  5. deum nullum; si magis religiosa fuerit,
  6. tibi dicat: tu pro illa ores ut sit propitius.
  7. neque illa ulli homini nutet, nictet, annuat.
  8. post, si lucerna exstincta sit, ne quid sui
  9. membri commoveat quicquam in tenebris.”
Diab.
  1. Optumest.
  2. ita scilicet facturam. verum in cubiculo—
  3. deme istuc—equidem illam moveri gestio.
  4. nolo illam habere causam et votitam dicere.
Par.
  1. Scio, cáptiones metuis.
Diab.
  1. Verum.
Par.
  1. Ergo ut iubes
  2. tollam.
Diab.
  1. Quid ni?
Par.
  1. Audi relicua.
Diab.
  1. Loquere, audio.