Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. custos erilis, decus popli, thensaurus copiarum,
  2. salus interioris † corporis amorisque imperator.
  3. hic pone, hic istam colloca cruminam in collo plane.
Leon.
  1. Nolo ego te, quí erus sis, mihi onus istuc sustinere.
Arg.
  1. Quin tu labore liberas te atque istam imponis in me?
Leon.
  1. Ego baiulabo, tu, ut decet dominum, ante me ito inanis.
Arg.
  1. Quid nunc?
Leon.
  1. Quid est?
Arg.
  1. Quin tradis huc cruminam pressatum umerum?
Leon.
  1. Hanc, cui , iube petere atque orare mecum.
  2. nam istuc proclive est, quo iubes me plane collocare.
Phil.
  1. Da, meus ocellus, mea rosa, mi ánime, mea voluptas,
  2. Leonida, argentum mihi, ne nos diiunge amantis.
Leon.
  1. Dic me igitur tuom passerculum, gallinam, coturnicem,
  2. agnellum, haedillum me tuom dic esse vel vitellum,
  3. prehende auriculis, compara labella cum labellis.
Arg.
  1. Ten osculetur, verbero?
Leon.
  1. Quam vero indignum visum est?
  2. at qui pol hodie non feres, ni genua confricantur.
Arg.
  1. Quidvis egestas imperat: fricentur. dan quod oro?