Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ubi fidentem fraudaveris, ubi ero infidelis fueris,
  2. ubi verbis conceptis sciens libenter periuraris,
  3. ubi parietes perfoderis, in furto ubi sis prehensus,
  4. ubi saepe causam dixeris pendens adversus octo
  5. artutos, audacis viros, valentis virgatores.
Lib.
  1. Fateor profecto ut praedicas, Leonida, esse vera;
  2. verum edepol ne etiam túa quoque malefacta iterari multa
  3. et vero possunt: ubi sciens fideli infidus fueris,