Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. numquam hodie induces, ut tibi credam hoc argentum ignoto.
  2. lupus est homo homini, non homo, quom qualis sit non novit.
Leon.
  1. Iam nunc secunda mihi facis. scibam huic te capitulo hodie
  2. facturum satis pro iniuria; quamquam ego sum sordidatus,
  3. frugi tamen sum, nec potest peculium enumerari.
Merc.
  1. Fortasse.
Leon.
  1. Etiam † nunc dico Periphanes Rhodo mercator dives
  2. absente ero solus mihi talentum argenti soli