Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. maximas opimitates, gaudio exfertissimas
  2. suis eris ille una mecum pariet, gnatoque et patri,
  3. adeo ut aetatem ambo ambobus nobis sint obnoxii,
  4. nostro devincti beneficio.
Lib.
  1. Vinctos nescio quos ait;
  2. non placet: metuo, in commune ne quam fraudem frausus sit.
Leon.
  1. Perii ego oppido, nisi Libanum invenio iam, ubiubi est gentium.
Lib.
  1. Illic homó socium ad malam rem quaerit quem adiungat sibi.