Asinaria

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. ut tibi superstes uxor aetatem siet
  2. atque illa viva vivos ut pestem oppetas.
Demaenetvs
  1. Per Dium Fidium quaeris: iurato mihi
  2. video necesse esse eloqui quidquid roges.
  3. ita me obstinate , ut non audeam
  4. profecto, percontanti quin promam omnia.
  5. proinde actutum istuc quid sit quod scire expetis
  6. eloquere: ut ipse scibo, te faciam ut scias.
Lib.
  1. Dic obsecro hercle serio quod te rogem,
  2. cave míhi mendaci quicquam.
Dem.
  1. Quin tu ergo rogas?
Lib.
  1. Num me illuc ducis, ubi lapis lapidem terit?
Dem.
  1. Quid istúc est? aut ubi istúc est terrarum loci?
Lib.
  1. Vbi flent nequam homines, qui polentam pinsitant.
  2. apud fústitudinas, ferricrepinas insulas,
  3. ubi vivos homines mortui incursant boves.
Dem.
  1. Modo pol percepi, Libane, quid istuc sit loci:
  2. ubi fit polenta, te fortasse dicere.
Lib.
  1. Ah,
  2. neque hercle ego istuc dico nec dictum volo,