Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. nam ego íd nunc expérior domo átque ipsa dé me sció, cui volúptas
  2. parúmper datást, dum virí mei míhi potéstas vidéndi fuit
  3. noctem únam modo; átque is repénte abiit á me hinc ánte lucem.
  4. sola híc mihi nunc vídeor, quia ílle hinc abést quem ego amó praeter omnes.
  5. plus aégri ex ábitu virí, quam ex advéntu volúptatis cépi. sed hóc me beát
  6. saltém, quom perduéllis vicít et domúm laudis cómpos revénit:
  7. id sólacio est.