Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Quis te verberavit?
Sos.
  1. Egomet memet, qui nunc sum domi.
Amph.
  1. Cave quicquam, nisi quod rogabo te, mihi responderis.
  2. omnium primum iste qui sit Sosia, hoc dici volo.
Sos.
  1. Tuos est servos.
Amph.
  1. Mihi quidem uno te plus etiam est quam volo,
  2. neque postquam sum natus habui nisi te servom Sosiam.
Sos.
  1. At ego nunc, Amphitruo, dico: Sosiam servom tuom
  2. praeter me alterum, inquam, adveniens faciam ut offendas domi,
  3. Davo prognatum patre eodem quo égo sum, forma, aetate item
  4. qua égo sum. quid opust verbis? geminus Sosia hic factust tibi.
Amph.
  1. Nimia memoras mira. sed vidistin uxorem meam?
S.
  1. Quin intro ire in aedis numquam licitum est.
A.
  1. Quis te prohibuit?
Sos.
  1. Sosia ille, quem iam dudum dico, is qui me contudit.
Amph.
  1. Quis istic Sosia est?
Sos.
  1. Ego, inquam. quotiens dicendum est tibi?
Amph.
  1. Sed quid ais? num obdormivisti dudum?
Sos.
  1. Nusquam gentium.
Amph.
  1. Ibi forte istum si vidisses quendam in somnis Sosiam—