Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Illic homo me interpolabit meumque os finget denuo.
Merc.
  1. Exossatum os esse oportet quem probe percusseris.
Sos.
  1. Mirum ni hic me quasi murenam éxossare cogitat.
  2. ultro istunc qui exossat homines. perii, si me aspexerit.
Merc.
  1. Olet homo quidam malo suo.
Sos.
  1. ei, numnam ego óbolui?
Merc.
  1. Atque haud longe abesse oportet, verum longe hinc afuit.