Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. Áttat, illic húc iturust. íbo ego illi óbviam,
  2. neque ego huc hominem hodie ad aedis has sinam umquam accedere;
  3. quando imago est huius in me, certum est hominem eludere.
  4. et enim vero quoniam formam cépi huius ín med et statum,
  5. decet et facta moresque huius habere me similes item.
  6. itaque me malum esse oportet, callidum, astutum admodum
  7. atque hunc, telo suo sibi, malitia a foribus pellere.