Amphitruo

Plautus, Titus Maccius

Plautus. Plauti Comoediae, Volume 1. Leo, Friedrich, editor. Berlin: Weidmann, 1895.

  1. dum cum illa quacum volt voluptatem capit;
  2. sed ita adsimulavit se, quasi Amphitruo siet.
  3. nunc ne hunc ornatum vos meum admiremini,
  4. quod ego huc processi sic cum servili schema:
  5. veterem atque antiquam rem novam ad vos proferam,
  6. propterea ornatus in novom incessi modum.
  7. nam méus pater intus núnc est eccum Iuppiter;