Alethia
Victor, Claudius Marius
Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.
- Sed rursum obsequio priuas quod debuit, illam
- Contemnit quo more potest, mauultq; pericla
- Desertae perferre viae: ni missus olympo
- Angelus occurrat, famulamq; ad pristina rura
- Restituat miti dominae, blandoq; refectam
- Hortatu, melius iubeat sperare reuersam.
- Et nomen nati doceat, moresq; manusq;,
- Innumerosque greges tali de stirpe futuros:
- Quo maiore redit voto iam certa futuri:
- Et partu dominum fecit prior ipsa parentem.
- Quum. iam decursi spacijs foelicibus aeui
- Supra octoginta quum sex excluderet annos,
- Ad quos bissenas quum iustus & insuper vnam
- Adderet ęstates: solito hunc rursum pater almus
- Alloquio dignatus adit: iussitq; senectam
- Ducere foelicem: simul et promissa reuoluit,
- Et qua mercedem expectet: tum corpore prono
- Abram suppliciter dominum prostratus adorat.
- A quo mox audit firmata voce futurum
- *Se patrem innumerae gentis , latcq; parentis: