Alethia

Victor, Claudius Marius

Victor, Claudius Marius. Saint. Poetae Christiani Minores, Pars I (Corpus scriptorum ecclesiasticorum latinorum, Volume 16, Part 1). Petschenig, Michael, editor; Ellis, Robinson, editor; Brandes, Wilhelm, editor; Schenkl, Karl, editor. Vienna, Leipzig, Prague: Tempsky, Freytag, 1888.

  1. larga facultatis diuinae gratia quo se
  2. a toto ad solum corpus transisse probaret
  3. peccatis traducta patrum, generata repente
  4. monstra hominum, celsa membrorum mole gigantes, [*]( Gen. 6, m )
  5. mente feri tumida. quantum per corpora diris
  6. posse subest animis et quantum uelle necesse est
  7. seruitio oppressis tam magnae molis iniquo,
  8. non illis quicquam inliciti temerasse profanum [*]( Gen. C, 11 )
  9. aut licitum cordi: uetitis succensa libido
  10. acrius et rebus pretium non forma petendis,
  11. sed scelus imposuit. nullae sine sanguine noctes
  12. aut sine caede dies, lacrimis sumpsisse propinqui
  13. dulce cibos ipsosque cibis uiolasse propinquos,
  14. inmemores socii iuris hominumque suique
  15. affectusque sacri matrumque patrumque suorum
  16. auctorisque poli, tantumque in crimina summa
  17. processum est, ut cuncta deum informasse pigeret, [*]( Gen. G, 5—\' )
  18. quis uitam lucemque dedit, causaque nocentum
  19. criminis expertes animas conuoluere mallet
  20. 380 quam non praecipiti terras submergere ponto