Dialogi

sed longum est, de omnibus, qui eremum incolunt, conperta nobis uel audita memorare. annum integrum et septem fere menses intra solitudinem constitutus exegi, magis uirtutis admirator alienae, quam quod ipse tam arduum adque difficile potuerim temptare propositum: saepius tamen cum sene illo, qui puteum et bouem habebat, habitaui.

Duo beati Antoni monasteria adii, quae hodieque ab eius discipulis incoluntur. ad eum etiam locum, in quo beatissimus Paulus primus eremita est diuersatus, accessi.

rubrum mare uidi, iugum Sina montis, cuius cacumen caelo paene contiguum est et nequaquam adiri potest.

inter eius recessus anachoreta esse aliqui ferebatur, quem diu multumque quaesitum uidere non potui, qui fere iam ante quinquaginta annos a conuersatione humana remotus nullo uestis usu, saetis corporis sui tectus, nuditatem suam diuino munere nesciebat.

hic quotiens eum religiosi uiri adire uoluerunt, cursu auia petens occursum uitabat humanum. uni tantummodo ferebatur se ante quinquennium praebuisse, qui credo [*]( 1 edentem ergo F 2 non referendis F 3 fatescente F 4 sunt Y: essent AFv II ieiunus V: ieiunii M, in ieiuniis AFv 5 cum ABFMV: tum v || hibicis Y (cui nomen est dorcas B et 1 cod. Gisel.) 6 stanti A corr. in astanti 7 bestia V: fera AFv 13 solitudinem Rosw. et Y: solitudincs AFv II constitutos F 17 Antonii AFv II hodie∗∗∗ F 19 deuersatus Y 20 iugum etiam A; sane etiam uel coniunctio desideratur, fort. rubrum m. uidi, nidi iugum etc. II montis AFV: montis adscendi v foeda interpolatione II cacumen Rosw. et v: summum cacumen AFv II est et Y: om. AFv 21 eius (non eius montis) V: huius AFlJ II aliquis AFv 22 dium V 23 ante iam F, iam om. A 24 usu sed A II saetis FY: setis Av 25 nesciebat BV: uestiebat AFv, cf. de Prato ad h. I. 26 occursum u. humanum Y: congressus u. humanos AFv )

betur, eum, qui ab hominibus frequentaretur, non posse ab angelis frequentari. unde non inmerito recepta opinione multorum fama uulgauerat, sanctum illum ab angelis uisitari.