Chronica

Sed hi quanto pauciores, tanto ualidiores erant. constantissimus inter eos habebatur noster FoegadiuB et Seruatio Tungrorum episcopus. hos, quia minis et terriculis non cesserant, Taurus precibus aggreditur ac lacrimans obtestatur, mitiora uti consulerent. clausos intra unam urbem episcopos iam septimum mensem agere, iniuria hiemis et inopia confectis nullam spem reuersionis dari: quis tandem esset finis ?

sequerentur plurium exemplum, auctoritatem saltem ex numero sumerent. enimuero Foegadius paratum se exilio atque ad omne supplicium, in quod deposceretur, profiteri: se ab Arrianis conceptam fidem non recepturum.

ita in hoc certamine aliquot dies tracti: ubi parum ad pacem proficiebant, paulatim et ipse infractior, ad extremum proposita conditione euincitur.

namque Valens et Vrsatius affirmantes, praesentem fidem catholica ratione conceptam, ab Orientalibus imperatore auctore prolatam cum piaculo repudiari: et quis discordiarum finis foret, si, quae Orientalibus placuisset, Occidentalibus displiceret?

postremo si quid minus plene praesenti fide editum uideretur, ipsi adderent, quae addenda putarent: praebituros se in his quae essent adiecta consensum. fauorabilis professio pronis omnium animis excepta, nec ultra nostri repugnare ausi, iam quoquo modo finem rebus imponere cupientes.

dein conceptae a Foegadio et Seruatione professiones edi coepere: in quis primum damnatus Arrius totaque eius perfidia ceterum etiam patri aequalis et sine initio, sine tempore Dei filius pronuntiatur.

tum Valens tamquam nostros adiuuans subiecit sententiam, cui inerat occultus dolus, filium Dei non esse creaturam sicut ceteras creaturas: fefellitque audientes fraus professionis. etenim his uerbis, quibus similis esse ceteris creaturis [*]( 3 constantissimus P: constantissimusque b (constantissimi - habebantur coni. de Prato) 4 Foegadius P: Faegadius b et sic postea; alias audit nomen Phoebadius 10 enimuero de Prato : etenim ueroP 14 proftciebat BC. Foegadius Sigoniuв 15 affirmantes] \'haec quasi absodute po- sita pro Valente ot V. affirmantibus\' de Prato; ipse malim affirmant 17 et quia de Prato: ut quis P, ecquis Sigonius, aut quis Baronius 20 addanda P 24 feruatione P 25 damnatur b 26 ceterum de Prato: coetem\' (sic) P, ceterum non b II aequalis b : om. P ) [*]( 7 )

ita neutra pars uicisse se penitus aut uictam putare poterat, quia fides ipsa pro Arrianis, professiones uero postea adiectae pro nostris erant, praeter illam, quam Valens anbiunIerat, quae tum non intellecta sero demum animaduersa est. hoc uero modo concilium dimissum, bono initio foedo exitu consummatum.