Contra Orationem Symmachia
Prudentius
Prudentius, Volume 1-2. Thomson, H. J, editor. London; Cambridge, Mass.: William Heinemann Ltd., Harvard University Press, 1949-1953 (printing).
- sed studuit quo pars hominis generosior intus
- viveret atque animam letali peste piatam
- nosset ab interno tutam servare veneno?
- illa tyrannorum fuerat medicina, videre
- quis status ante oculos praesentibus ac perituris
- conpeteret rebus, nec curam adhibere futuris.
- heu, male de populo meriti, male patribus ipsis
- blanditi, quos praecipites in Tartara mergi
- cum Iove siverunt multa et cum plebe deorum!