Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. sub nocte Iacob caerula,
  2. luctator audax angeli,
  3. eo usque dum lux surgeret,
  4. sudavit inpar proelium;
  5. sed cum iubar claresceret,
  6. lapsante claudus poplite
  7. emurque victus debile,
  8. culpae vigorem perdidit.
  9. nutabat inguen saucium,
  10. quae corporis pars vilior
  11. longeque sub cordis loco
  12. diram fovet libidinem.
  13. hae nos docent imagines
  14. hominem tenebris obsitum,
  15. si forte non cedat Deo,
  16. vires rebelles perdere.
    17. p.18
  17. erit tamen beatior,
  18. intemperans membrum cui
  19. luctando claudum et tabidum
  20. dies oborta invenerit.