Cathemerina

Prudentius

Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).

  1. hunc, quem latebra et obstetrix
  2. et virgo feta et cunulae,
  3. et inbecilla infantia,
  4. regem dederunt gentibus,
  5. peccator intueberis
  6. celsum coruscis nubibus,
  7. deiectus ipse et inritis
  8. plangens reatum fletibus,
  9. cum vasta signum bucina
  10. terris cremandis miserit,
  11. et scissus axis cardinem
  12. mundi ruentis solverit.
  13. insignis ipse et praeminens
    14. p.102
  14. meritis rependet congrua,
  15. his lucis usum perpetis,
  16. illis gehennam et Tartarum.
  17. Iudaea, tunc fulmen crucis
  18. experta, qui sit senties
  19. quem, te furoris praesule,
  20. mors hausit et mox reddidit.