Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- donec rotata annalium
- transvolverentur milia,
- atque ipse peccantem diu
- dignatus orbem viseret.
- nam caeca vis mortalium
- venerans inanes nenias,
- vel aera vel saxa algida
- vel ligna credebat Deum.
- haec dum sequuntur,
- perfidi praedonis in ius venerant,
- et mancipatam fumido
- vitam barathro inmerserant.
- stragem sed istam non tulit
- Christus cadentum gentium,
- inpune ne forsan sui
- Patris periret fabrica,
- mortale corpus induit,
- ut excitato corpore
- mortis catenam frangeret,
- hominemque portaret Patri.
p.98