Cathemerina
Prudentius
Prudentius, Volume 1. Thomson, H. J, editor. London; Cambridge, Mass.: William Heinemann Ltd., Harvard University Press, 1949 (printing).
- Quid est quod artum circulum
- sol iam recurrens deserit?
- Christusne terris nascitur,
- qui lucis auget tramitem?
- heu quam fugacem gratiam
- festina volvebat dies!
- quam paene subductam facem
- sensim recisa extinxerat!
- caelum nitescat laetius,
- gratetur et gaudens humus:
- scandit gradatim denuo
- iubar priores lineas.
p.96