Liber Peristephanon

Prudentius

Prudentius, Volume 2. Thomson, H. J, editor. London; Cambridge, Mass.: William Heinemann Ltd., Harvard University Press, 1953 (printing).

  1. GERMINE nobilis Eulalia
  2. mortis et indole nobilior
  3. Emeritam sacra virgo suam,
  4. cuius ab ubere progenita est,
  5. ossibus ornat, amore colit.
    6. p.144
  6. proximus occiduo locus est
  7. qui tulit hoc decus egregium,
  8. urbe potens, populis locuples,
  9. sed mage sanguine martyrii
  10. virgineoque potens titulo.
  11. curriculis tribus atque novem
  12. tres hiemes quater adtigerat,
  13. cum crepitante pyra trepidos
  14. terruit aspera carnifices,
  15. supplicium sibi dulce rata.
  16. iam dederat prius indicium
  17. tendere se Patris ad solium
  18. nec sua membra dicata toro:
  19. ipsa crepundia reppulerat,
  20. ludere nescia pusiola;