Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

semita uentosae superat uaga nubila lunae,
qua proceres abiere pii quaque integer olim
raptus quadriiugo penetrat super ara curru
Elias et solido cum corpore praeuius Enoch.
da, pater, aeterni speratam luminis auram,
si lapides non iuro deos unumque uerendi
suspiciens altare sacri libamina uitae
intemerata fero, si te dominique deique
unigenae cognosco patrem mixtumque duobus

[*](in uv. 24-29 ultimis scripturam euanidam refecit V m. 2 24 solum N 25 intrareplagas (rep in ras. m. 2) V sepulcri V 29 nihil N 30 haec om- N 30 at V1 32 uipereum (que om.) N auertere ueni N 33 antiquus Bolt. perdidit VW, prodidit Nt) aeuam V, aeuam W 34 adiancxit V nos separare potft N 35 ueredicis N aetas Wv, aetas N, olim V profetis V 86 letifer V, lethifer W, leo fer N implicat N 87 quae V, que N, qua codd. Auson. 88 ferat VW, fera N, ferar codd. Auson., feram v et codd. Auson. 39 scmita N uentose superat (sęsup in ras. m. 2) V nubila] uentos lumina N, lumina Lugdun. Scal. 40 quam V proceris N, proceres (res in ras. m. 2) V abiere VW, abiero N 41 aerae curru N, aethera curru v 42 Helias V*Wv, teLas N, Helia L. Mueller enoc N 43 spiratam VW aeternis paeratam N numinis T(ilianus) 44 inro N 45 sacrae codd. Auson. 47 unigenae W, unigene N, uuigeni v missumque Chraeuius)

qui super aequoreas uolitabat spiritus undas.
da, genitor, ueniam cruciataque pectora purga,
si te non pecudum fibris, non sanguine fuso
quaero nec arcanis numen coniecto sub extis,
si scelere abstineo errori obnoxius et
opto magis quam fido bonus purusque probari.
confessam dignare animam, si membra caduca
execror et tacitum si paenitet altaque sensus
formido excruciat tormentaque sera gehennae
anticipat patiturque suos mens saucia manes.