Carmina

Paulinus of Nola, Saint

Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.

  1. praeteruecta rotas lenti moliminis agmen
  2. respicit anteuolans nec iam timet ad iuga cogi,
  3. inuisoque prius fit amica et praeuia plaustro,
  4. donec sacratam uentum Felicis ad aulam.
  5. illic sponte gradum sistit seseque uocanti
  6. adplicat et tamquam uoti rea gaudet in ipso
  7. stare loco, propriam cui debet uictima caedem.
    8. [*]( 400 subiungere] submittere Mwr. 401 iam mente subacta AD, iamque ante subactam E 403 et AD, om. E 411 dolos MtW. 415 rara A 418 astans E 419 rore AD 420 uinotum Mur. tendere E, om. AD, currere Mur. 422 comis E 424 insultante AD, exultante E 428 aulam] est add. E )
    158
  8. illa rebellis et humanis non subdita uinclis
  9. ducitur ad placidam nullo luctamine mortem;
  10. intemerata iugis submittens colla securi,
  11. pauperibus factura cibos de corpore caeso,
  12. laeta suum fundit dominorum in nota cruorem.
  13. quorsum istaec? numquid pecudum est, ut apostolus inquit,
  14. cura deo? sed qui propter nos omnia fecit,
  15. omnia pro nobis operatur in omnibus auctor
  16. atque per ignaras pecudes operantia nobis
  17. signa facit, brutas per clara insignia mentes
  18. sollicitans firmare fidem et confidere uero,
  19. ut dominum dociles linguis in uerba solutis
  20. non taceant homines, quem signis muta loquuntur.