Carmina
Paulinus of Nola, Saint
Paulinus of Nola. Sancti Pontii Meropii Paulini Carmina (Corpus Scriptorum Ecclesiasticorum Latinorum, Volume 30). Hartel, Wilhelm von, editor. Prague, Vienna, Leipzig: Tempsky, Freytag, 1894.
- innocuum fundens pro peccatore cruorem.
- huic autem, solido quam pondere regula duplex
- iungit, in extrema producti calce metalli
- parua corona subest uariis circumdata gemmis.
- hac quoque crux domini tamquam diademate cincta
- emicat aeterna uitalis imagine ligni.
- hanc fur ille sui toto de corpore furti
- intactam ferro, quo cetera fregerat, unam
- liquit, et ut capto tunc discinctoque refusis
- uestibus elapsae ceciderunt fragmina praedae,
- uisa rei species tunc inuentoribus ipsis
- ancipiti motu confudit pectora. gaudent
- inuentis, sed fracta dolent; cum quaerere causam
- incipiunt, cautum simul audacemque latronem
- mirantes, caecum fractis cautumque relictis,
- tunc ille adtonitis crimen numenque fatetur; [*]( 657 casum A furiis ex uariis A 658 amdauerat A 661 spectati AD cominus E 663 clausa coni. Mw. 665 eadem Ex exserit AD 666 aequato E, aequatae AD 667 subrectoque coni. MtW., subrepto- que ADE cocors A1 672 dupplex E 675 hac D, haec AE tincta AD 677 hanc E, hunc AD 679 distinctoque E1 680 et lapsae D caeciderunt A 683 cum AD, tum E 686 attonitis DE )
- mente etenim totum conciderat, hoc tamen unum
- numine seruarat, quo crux inclusa uetabat
- quamlibet audacem segni uirtute latronem.
- ipse fatebatur mentis scelus atque crucis uim
142