Evangeliorum libri quattuor

Juvencus, Caius Vettius Aquilinus

Juvencus. Evangeliorum libri quattuor. Corpus scriptorum ecclesiasticorum Latinorum, Volume 24. Huemer, Johann, editor. Vienna: Gerold, 1891.

  1. Quod scirem domino memet seruire seuero,
  2. Qui meteres segetes alieno semine cretas,
  3. Extimui, argentumque tuum concredere terrae
  4. Malui, quod saluum semper tibi reddere possem.
  5. Tum dominus famulo respondens talibus infit:
  6. Si nescire meos auderes dicere mores,
  7. Nequitiae tantae ueniam concedere possem.
  8. Hoc etiam gnarum potius praestare decebat,
  9. Ut fructum nobis tractata pecunia ferret.
  10. Quapropter segni tollatur portio nostri
  11. Prudentique dehinc detur possessio maior,
  12. Quem duplis cumulasse lucris mea quinque talenta
  13. Inueni. Namque est certum, potiora mereri,
  14. Quis res uberior cumulatae sortis abundat.
  15. At cui parua subest segni substantia corde,
  16. Id minimum penitus iuste tolletur ab illo,
  17. Ut nequam seruus tenebras dimersus ad imas
  18. Perpetuos fletus poenae stridore frequentet.1
    19. [*]( 245] cf. Verg. Aen. X 860. )[*]( 285 tellure B tellurem fodiens terrae Ml condit MMpG, seruans B Matr. 236 cum A KxK7MpT 238 erus AK2 (m. 1) TH, heros PG 240 reddidit M 241 scirem CLMpPYIYsBGH, sirem RHl, sciebam AMTtBbl, scibam KIKz, cf. Prolegotnena 242 meteres OPYtB\', meteret rell. 244 quo RKt (m. 1), quos A tibi semper V3 possim RMKIKZhipPTBbGH 245 responsis KjKaTBb imfit M, infert KI 247 concidere C possim BLMpPTIBbGHHI 248 etiam C, igitur rell. praesentare Kt (m. 1) 249 uobis R eferret (m. 1) KtK2 250 quia propter AL signi KxTt 253 imueni M 254 rebus B lM uberius KzTIBb habundat BMKaMpP 255 ad Bl 257 ut G, et AKJTa BbG, at rell. dimersus RMKLMpG, demersus rell. in MKILTi, ab Mp 258 perpetuo JB frequentent 01K1 )
    123
  19. ,En hominis natus ueniet patrisque ministris
  20. Stipatus celsa iudex in sede sedebit.