In Hieremiam Prophetam Libri Sex

Jerome, Saint

Jerome, Saint. S. Euesebii Hieronymi Opera, Section 2, Pars 1: In Hieremiam Prophetam (Corpus Scriptorum Ecclesiasticorum Latinorum, Volume 59). Vienna, Leipzig: Tempsky, Freytag, 1913.

[*]( p. 877—878 ) | Secundum, frater Eusebi, in Hieremiam librum celeri sermone dictamus auertentes parumper aures, ne audiamus iudicium sanguinis et interfectorum animas deploremus, qui opinione uirtutum cotidie corruunt in superbiam et deo se similes arbitrantur, ut aequalitatem, quam impia Arrianorum heresis in filio negat, cunctis hominibus tribuant et ponant in caelum os suum et nihil futurae sanctorum beatitudini amplius derelinquant.

quorum furori respondimus, ut potuimus. et, si dominus uitam dederit, plenius responsuri sumus. nunc coepta carpenda est uia et dictandi commentarioli nec nimia longitudine extendentes opus nec inmoderata breuitate auferentes intellegentiam, quorum alterum onerat sensus legentium, alterum praecidit studiosorum desiderium.

[*]( 5, 20. 21 ) Adnuntiate hoc domui Iacob et auditum facite in Iuda dicentes: audi, popule stulte, qui non habes cor, qui habentes oculos non uidetis et aures et non auditis! Multis modis peccantes retrahit ad salutem et stultum uocat populum, qui sapientiae reliquit [*]( 1 cf. Mattb. 3, 12. Luc. 3, 17 7 cf. Esai. 14, 14 9 cf. Pa. 72, 9 11 cf. Epist. 133 ) [*]( 1 et] ut v 2 tritico] add. litteris maximam partem maiusculis: in hieremiam propheta expl. liber primus- inc liber secundus L explicat in hieremiam propheta commentariora lib •I• do gratias. incipit commentarioru lib •II• M expHc in hieremiam prophā lib •I• incipit comentariorum liti •II• dHѠ gratias amen emendaui (in gratias amen ntnis utifur) A explicit liber •I• incipit liber •II• in hyeremia Y expiic in hiereili prophet commentariorum lib •I• incip. in commentarioram lib secundus P 4 hieremia M hyeremia V 5 nec Ãa.c. 7 cottidiae La.c, om. V 11 derelinquat V respondimus post potuimus tr. P 15 honerat P 16 praecedit MVP,LAa.c. praepedit v 18 mite om. LVP,MAa.c.m2 20 trahit La.c. t add. P 21 relinquid P )

75
auctorem, conparatque eos simulacris, de quibus scriptum est: oculos habent et non uident; aures habent et non audiunt. similes illis fiant, qui faciunt ea, et omnes, qui confidunt in eis.

proprie autem ad Iudam loquitur et ad domum Iacob — Israhel enim multo iam tempore in Assyriis exsulabat — simulque dat intellegentiam. quod etiam absque praecepto naturali sensu debeamus intellegere, quae recta sunt.