Epistulae

Aliam rursus filio dei nectit calumniam et his uerbis loquitur: sicut pater et filius unum sunt, ita et anima, quam adsumpsit filius dei, et ipse filius dei unum sunt. nec intellegit patrem et filium unum esse propter communionem substantiae et eandem diuinitatem, filium autem et animam eius diuersae et multum inter se distantis esse naturae. etenim, si, sicut pater et filius unum sunt, sic et anima filii et ipse filius unum sunt, unum erit pater et anima saluatoris et ipsa dicere poterit: qui uidit me, uidit patrem.

sed non est ita — absit hoc ab ecclesiastica fide! — filius enim et pater unum sunt, quia non est inter eos diuersa natura; anima autem et filius dei et natura inter se discrepant et substantia, eo quod et ipsa a filio condita sit nostrae condicionis atque naturae. si enim, sicut pater et filius unum sunt, sic anima filii dei et ipse filius unum sunt, unum erit, ut iam diximus, anima et pater et anima saluatoris splendor gloriae et forma substantiae eius esse credetur. uerum hoc dicere inpium est atque blasphemum. eiusdem igitur inpietatis est filium et animam illius unum dicere, cuius patrem et filium unum negare.

rursum inmemor sui contraria sibi loquitur; ait enim: anima, quae turbata est et tristis effecta, non erat ipsa unigenitus et primogenitus omnis creaturae nec uerbum dei, quod condicionem animae superans et uere filius dei in euangelio loquebatur: \'potestatem habeo ponendi eam et potestatem habeo sumendi [*]( 4 capituli 16 textus Graecus exstat apud Theodoretum, dial. II c. 4 (LXXXIII 197 M) 5 Origenes JVBQI dQZwv IV c. 4,4 p. 354,15 Koetschau 12 *Ioh.14, 9 18 *Hebr. 1, 3 23 Origenes JCSQI dQXwv IV c. 4, 4 p. 353,18 Koetschau cf. Marc. 14, 34 etc. 27 *Ioh. 10,18 ) [*]( 3 hoc] huius U 5 ita et] sic V 6 quam ads. filius] filii V dei utroque loco om. V 8 autem dei g 9 multo U 10 sicuti Vp.c. 11 pr. et] cum g ipsa TV (\'1) ipvy/q TOV vlov Theoph. ap. Theod.) ipse U 12 uidet utroque loco Ua.c. et patrem g 14 est om. U 15 quod et] et quodF 17 sic-sunt om. U alt. unum] uerum V 18 pater U pater deus TV deus pater g 19 forma] figura V 20 absque U 21 cuius] atque g filium esse g 26 conditionem (—ne U) UV suspirans U 27 habe V 28 eam] animam meam V habeo iterum g )

ergo, si melior est et potentior filius dei anima sua, quod nulli dubium est, quomodo anima illius in forma dei esse poterat et aequalis deo, quam cum dicat se euacuasse et serui adsumpsisse formam, omnes hereticos magnitudine blasphemiae superat? si enim in forma dei et aequalis deo uerbum dei est, in forma autem dei et aequalitate eius anima saluatoris est, quomodo potest inter aequalia aliud esse maius, aliud minus ? ea enim, quae inferioris naturae sunt, sublimiorem naturam atque substantiam sui deiectione testantur.