Epistulae

septuaginta interpretes non dixerunt adorabis eum, sed adorabunt eum, ut sit sensus: iste, qui te amaturus est, qui tuam pulchritudinem dilecturus, deus est et adorandus ab hominibus. quod de ecclesia ex gentibus congregata exposuimus, unusquisque ad se ipsum referat animamque credentis, quod prioribus uitiis derelictis adoptetur in filiam, inclinet aurem suam, obliuiscatur ueteris conuersationis et cum apostolo dimittat mortuum patrem et talem se praebeat, qui ametur a rege. ipse est enim dominus eius, cui flectere debeat genu et deposita superbia iugum humilitatis adsumere.

Interrogemus Iudaeos, quae sit ista filia, ad quam deus loquitur. non dubito, quin synagogam respondeant. et quomodo dicitur synagogae et Israhelitico populo: dimitte populum tuum et domum patris tui? numquid derelinquit gentem Hebraeam et Abraham, antiquum patrem?

si dixerint de uocatone significari Abraham, quia Chaldaeos reliquerit, quis est iste rex, qui amaturus est decorem Abraham? certe alius est, qui loquitur: audi, filia, etalius, de quo loquitur: concupiscet rex decorem tuum. qui alius non solum rex, sed et dominus et deus est, qui adorandus est.

Filia Tyri, in muneribus uultum tuum [*](9 cf. Mattb. 8, 22 etc. 15 *Ps. 44, 11 18 cf. Gen. 12. 1 20 Ps. 44, 11 Ps. 44, 12 23 *Ps. 44, 13 ) [*](1 quod ex quo m2X quo W 2 sit ex sicut L dix. et S 3 alt. eum om. W 4 delectaturus LB; add. est W 5 hom.] omnibus WM ex] de WXM 6 ipsum om. B 7 animaque Mpx. quod ex quot m2X quia et quae ex quod M derelictis om. L adoptatur Mp.c. 8 suam et M ueteres conuersationes W 10 qui] quae Mp.c. cui] qui S 11 debet WM 13 loq. deus S 15 et] ab B 16 relinquid LB,Xa.c. relinquet Xp.c. derelinquet S, om. W 17 ebraee W habraham X dixerit WXM 18 siguificare W quia] qui S caldeos WB relinquerat (n eras.) W 19 abr. decorem (-re B) LB est alius WM 20 loq.] legitur B 21 rex om. W 22 alt. et s. l. m2B, om. 1V qui] quia (8. l. add. m2 et) B 23 filiae LW tirii B )