Epistulae

redolebat aliquid neglegentiae et diuitiarum fasciis conligata in saeculi iacebat sepulchro, sed confremuit Iesus et conturbatus in spiritu clamauit dicens: Blesilla, exi foras. quae uocata surrexit et egressa cum domino uescitur. Iudaei minentur et tumeant, quaerant occidere suscitatam, soli apostoli glorientur: scit se uitam suam ei debere, cui credidit; scit se eius amplexare pedes, cuius paulo ante iudicium pertimescebat.

corpus paene iacebat exanime et anhelos artus mors uicina quatiebat. ubi tunc erant auxilia propinquorum, ubi uerba omni inaniora fumo? nihil tibi debet o ingrata cognatio, quae mundo periit et Christo reuixit. qui Christianus est, gaudeat; qui irascitur, non esse se indicat Christianum.

Uidua, quae soluta est uinculo maritali, nihil necesse habet nisi perseuerare. at scandalizat quempiam uestis fuscior: [*]( 1 cf. Gen. 49, 27 cf. Ps. 67, 28 cf. Act. 9, 3 sqq. 7 cf. Marc. 5, 40-42 etc. 8 cf. loh. 11, 39 9 cf. Ioh. 11, 44 10 cf. Ioh. 11, 33. 38 11 *Ioh. 11, 43 cf. Ioh. 11, 44 12 cf. Ioh. 12, 2 cf. loh. 12, 10 ) [*]( 1 ut uideat s. I. m2 B 4 mi sancta N blisellam D blaesillam S uidemus LDB 5 ardorem D (corr.), N ferme s. I. m2 B estuare L exestuare D 7 et] s. I. N, om. LII Iesus om. D 8 ministrabat N 9 fasceis IIa.r. fascis Ba.c.m2 fascibus LD sepulcro D 10 infremuit D clamabat N 11 blexilla D exi] ueni B et s. I. m2 B egressa est N 12 mirentur LB querunt N 13 suscitatum N scit se] scisse LD 14 cui] qui N reddidit IIN amplexari S 15 corpus-quat. om. N iacebat pene L 17 omni om. N 18 debet 0] debeto L debito D cognitio Ba.c.m2 cogitatio D perierat N et om. N 19 se esse DB 21 mortali N 22 at] an N, om. D )

illae Christianos oculos potius scandalizent, quae purpurisso et quibusdam fucis ora oculosque depingunt, quarum facies gypseae et nimio candore deformes idola mentiuntur, quibus si forte inprouidens lacrimarum stilla eruperit, sulco defluit, quas nec numerus annorum potest docere, quod uetulae sunt, quae capillis alienis uerticem instruunt et praeteritam iuuentutem in rugis anilibus poliunt, quae denique ante nepotum gregem trementes uirgunculae conponuntur. erubescat mulier Christiana, si naturae cogit decorem, si carnis curam facit ad concupiscentiam, in qua qui sunt, secundum apostolum Christo placere non possunt.

Uidua nostra ante monilibus ornabatur et die tota, quid sibi deesset, quaerebat ad speculum; nunc loquitur confidenter: nos autem omnes reuelata facie gloriam domini speculantes in eandem imaginem transformamur a gloria in gloriam, quasi a domini spiritu.