Epistulae

Frustra blasphemas et ignorantium auribus ingeris nos liberum arbitrium condemnare. damnetur ille, qui damnat. ceterum nos ab eo differimus brutis animalibus, quod liberi arbitrii conditi sumus, sed ipsum liberum, ut diximus, arbitrium dei nititur auxilio illiusque per singula ope indiget, quod uos non uultis, ut, qui semel liberum habet arbitrium, deo adiutore non egeat. liberum arbitrium dat liberam uoluntatem et non statim ex libero arbitrio facit deum, qui nullius opibus indiget.

tu ipse, qui perfectam et deo aequalem in hominibus iustitiam iactitas et peccatorem esse te confiteris, responde mihi, uelis an nolis carere peccato. si uis, quare iuxta sententiam tuam non inples, quod desideras? sin autem non uis, contemptorem te praeceptorum dei esse demonstras. si contemptor es, utique et peccator. si peccator, audi tibi scripturam loquentem: peccatori dixit deus: quare tu enarras iustitias meas et adsumis testamentum meum per os tuum? tu autem odisti disciplinam et proiecisti uerba mea retrorsum.

uerba dei dum [*]( 3 *Eph. 2, 8 Ps. 31, 1 8 *Matth. 26, 41 etc. 24 *Ps. 49, 16—17 ) [*]( 1 indiget te n te indige.it p defensorem p 2 expecto] excipio M -4 iniquitatis d 6 sancta] facienda ç 7 deducit p ducit g 9 spiro quidem n promtus M prumptus L1 ; add. est n 11 blasfemas A 12 condempnare- dampnetur-dampuat n 13 nos ab] ncin ex g diff. a g quod ex ut M arbitrii om.n 15 uultis] add. sed id uultis g 16 hab. lib. g non exp.M 18 facit deum] homo facit, sed domini auxilio g ope M aequalemque deo n 19 te esse g te n 21 si p autem in mg.L1 22 contemtorem Mp contemtor £ 23 es, utique] utique est (s.l. es m2)M si peccator om.L1 tibi om..Jl dicentem A 25 et] et quare n assumis ..iUp.c..p assumes Ma.c. adsumes An 26 autem] uero g 27 uerba mea] sermones meos A )

Illud quoque argumentum uestrum ferre quis possit? dicitis his uerbis: \'aliud est esse, aliud esse posse\'. esse non est in nostra positum potestate, esse autem posse generaliter dici, quod, licet alius non fuerit, tamen possit esse, qui esse uoluerit. rogo, quae est ista argumentatio: posse esse, quod numquam fuit, posse fieri, quod nullum fecisse testeris, id cuilibet tribuere, qui an futurus sit ignores, et dare nescio cui, quod in patriarchis, prophetis et apostolis fuisse nequeas adprobare?

audi ecclesiasticam simplicitatem siue rusticitatem aut inperitiam, ut uobis uidetur. loquere, quod credis; publice praedica, quod secreto discipulis loqueris. qui dicis te habere arbitrii libertatem, quare non libere, quod sentis, loqueris? aliud audiunt cubiculorum tuorum secreta, aliud nostrorum populi. etenim uulgus indoctum non potest arcanorum tuorum onera sustentare nec capere solidum cibum, quod infantiae lacte contentum est.