Epistulae

et quod ipse respondisti non esse uitium sementis in tritico, quod furto dicitur esse sublatum, sed in eo, qui frumenta furatus est, nec idcirco terram non debuisse gremio suo semina confouere, quia sator inmunda ea proiecerit manu, elegantissima similitudo est. quam et antequam legerem, nullas mihi obiectio ista de adulterinis fetibus in hac quaestione faciebat angustias generaliter intuenti multa bona deum facere etiam de nostris malis nostrisque peccatis.

animalis autem cuiuscumque creatio, si habeat prudentem piumque consideratorem, ineffabilem laudem creatori excitat, quanto magis creatio non cuiuslibet animalis sed hominis! si autem causa creandi quaeritur, nulla citius et melius [*](1 cf. Matth. 10, 30. Luc. 12, 7 6 Sallust. Iug. 2, 3 10 *Rom. 6, 9 12 cf. Apolog. adu. libros Rufini III 28 ) [*]( 1 filio § filiis Aa.c.m.2 nostro AD,Ma.c.m2 4 modoramine tyD consonari AD,Ma.c. 5 esse orn.äβ 6 inmortales β 7 credere Mp.c.m2 cogamur Mp.c.m2 anima humana(ex u)m A animum hominum d 9 crea- tum A creata(ex u) A mouit ci,ADMa.c.m2 10 inmortalitas (in del.m2)D iam om.A 12 quod in libro om.A 13 huius Ap.c.m2 sententia A 14 conatur a 16 mundi g me om.A 17 posset β٨ refutare A 18 esse omty esse ideo a in eo ex i(tuit e)deo m2a 19 debuisset Aa.r.D 21 et om.ă 23 intuentibus 3 deum bona β 25 habet β pium prudentemque ADM 26 exc. creatori !p excitant A )

Haec et alia, quae possum, sicut possum, dico aduersus eos, qui hanc opinionem, qua creduntur animae sicut illa una singulis fieri, labefactare conantur. sed cum ad poenas uentum est paruulorum, magnis, mihi crede, coartor angustiis nec, quid respondeam, prorsus inuenio; non solum eas poenas dico, quas habet post hanc uitam illa damnatio, quo necesse est trahantur, si de corpore exierint sine Christianae gratiae sacramento, sed eas ipsas, quae in hac uita dolentibus nobis uersantur ante oculos, quas enumerare si uelim, prius tempus quam exempla deficiunt.