Epistulae
Jerome, Saint
Jerome, Saint. S. Euesebii Hieronymi Opera, Section 1 (Pars I-III): Sancti Eusebii Hieronymi Epistulae (Corpus Scriptorum Ecclesiasticorum Latinorum, Volume 52-54). Hilberg, Isidor, editor. Vienna, Leipzig: Tempsky, Freytag, 1910-1918.
urbs tua, quondam orbis caput, Romani populi sepulchrum est, et tu in Libyco litore exulem uirum ipsa exul accipies? quam habitura pronubam? quo deducenda comitatu? stridor linguae Punicae procacia tibi fescennina cantabit. rumpe moras omnes. perfecta dilectio forasmittit timorem. adsume scutum fidei, loricam iustitiae, galeam salutis, procede ad proelium. habet et seruata pudicitia martyrium suum. quid metuis auiam? quid formidas parentem? forsitan et ipsae uelint, quod te uelle non credunt.
his inflammata stimulis omnem corporis cultum et habitum saecularem quasi propositi sui inpedimenta proiecit. pretiosa monilia et graues censibus uniones ardentesque gemmae redduntur scriniis, uili tunica induitur, uiliori tegitur pallio et insperata auiae genibus repente prouoluitur fletu tantum et planctibus, quae esset, ostendens.
obstipuit sancta et grauis femina alienum habitum in nepte conspiciens, mater gaudio stabat adtonita. utraque uerum non credere, quod uerum esse cupiebant. haesit uox faucibus et inter ruborem atque pallorem metumque ac laetitiam cogitationes uariae mutabantur.
Succumbendum est huic loco neque narrare adgrediar, quod dicendo minus faciam. ad explicandam incredibilis gaudii magnitudinem et Tulliani fluuius siccaretur ingenii et contortae Demosthenis uibrataeque sententiae tardius languidiusque ferrentur. [*]( 8 *I Ioh. 4, 18 9 cf. Eph. 6, 16 et 14 et 17; Esai. 59, 17 20 cf. Uergil. Aen. II 774 etc. ) [*]( 1 manibus A2 et palleis Al$SD apalliis ex apelliis m2A2 4 caput orbis A- 5 lybico A2l)SD libico AlD exul ipsa g exula B 6 pronuba JS quod A1 Pun. linguae g 7 omne D 8 dei dilectio g 9 luricam Ala.cSSD 10 seruat A2a.c.m2B 12 his] add. et aliis quampluribus f 13 praepositi AID inpedimentu A2 14 munilia Aaa.c.ftD centibus A.1a.c.m2A2 centes (fort. uoluit centies) AJp.c.m2 16 inspirata A2 D genubus g pedibus A4 17 et] merorisque B ostendit g obstupuit AlliSBp.c.m2 18 neptae A?$ia.c.,A2D 19 gaudio om.AII 20 cupiebat 98 B 21 atque] et g ac] et All B atque c 22 nutabant g 23 su(ex i m2)ccurrendum A2 neque] ne quid Alp.c.m2 25 et Tull. fluu. sicc. ing.] ut tull. fluuii sicc. eloquium A2 ingenii in textu, eloquii in mg.58 demostenis 5SDB demosth(st AJ)enes a.c.rraAaA1 26 ferentur A2 )