Epistulae

post alleluiae cantatum, quo signo uocabantur ad collectam, nulli residere licitum erat, sed prima uel inter primas ueniens (coetum) ceterarum operiebatur pudore et exemplo ad laborem eas prouocans, non terrore. mane, hora tertia, sexta, nona, uespera, noctis medio per ordinem Psalterium canebant nec licebat cuiquam sororum ignorare psalmos et non de scripturis sanctis cotidie aliquid discere.

die tantum dominico ad ecclesiam procedebant, ex cuius habitabant latere, et unumquodque agmen matrem propriam sequebatur; atque inde pariter reuertentes instabant operi destricto et uel sibi uel ceteris indumenta faciebant. si qua erat nobilis, non permittebatur de domo sua habere comitem, ne ueterum actuum memor et lasciuientis infantiae errorem refricaret antiquum et crebra confabulatione renouaret. unus omnium habitus; linteamine ad tergendas solum manus utebantur.

a uiris tanta separatio, ut ab spadonibus quoque eas seiungeret, ne ullam daret occasionem linguae maledicae, quae sanctos carpere solita est in solacium delinquendi. si qua uel tardior conueniebat ad psalmos et in opere pigrior, uariis eam modis adgrediebatur. si erat iracunda, blanditiis, si patiens, correptione, illud apostoli imitans: quid uultis? in uirga ueniam ad uos an : in spiritu lenitatis et mansuetudinis? excepto uictu atque uestitu nullam habere quid patiebatur dicente Paulo: [*]( 23 *I Cor. 4, 21 ) [*]( 1 quas e] quasi D quas(s.l.K)de KB 3 turbas ID in cibo SD 4 in psalmodiis B psalmis alD post] postquam Bp.c. all ID aleluia K aeuia B 5 quod D uocabatur la.c.D nullaa 6 uel] seu I coetum addidi, om. codd. ceteras KB oper. aduentum g 7 labores B ui aut terrore B 8 uespere KB media Kp.c. 9 canebatur KB cantabant g et] nec Ia.c.m2D 10dicere α,Σa.c. 13 instabat a districto (in mg. m2 al distributo) Ip.c. distributo KB 14 faciebat a 16 refrigaret K anticum a crebra (a ex o uel e) K fabulatione I ren. uirus mortale B 17 tergendum B 18 ab] a KB disiungeret B nec la.r.D 19 maledicte B 20 est] est et ID est sic et B conueniebat scripsi non uenie- bat a eratuel non ueniebat KB ueniebat ID 21 et] uel erat ç 22 iracundia B correctione B 23 uirgo a uirgam K 24 in om. B 25 adque KD,Ia.c. et g quid] quicquam Ip.c.m2. )

iurgantes inter se sermone lenissimo foederabat. lasciuientem adulescentularum carnem crebris et duplicatis frangebat ieiuniis malens eas stomachum dolere quam mentem. si uidisset aliquam comptiorem, contractione frontis et uultus tristitia arguebat errantem dicens munditiam corporis atque uestitus animae esse inmunditiam et turpe uerbum atque lasciuum numquam de ore uirgineo proferendum, quibus signis libidinosus animus ostenditur et per exteriorem hominem interioris hominis uitia demonstrantur.