Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. tandem congemuit merito Iudaea reatu
  2. ac dominum prostrata rogat; qui fractus amico
  3. numine restituit trepidis solamina uitae:
  4. nam missus saluator adest populoque salutem
  5. exhibet ac maestas deterget pectore curas
  6. bellator. Ceneza satus, Gothozelus heros.
  7. Chalebo cum fratre uigens, sed iunior aeuo.
  8. spiritus hunc domini uirtutis dote cluentem
  9. extulit et celsa sublimem sede locauit.
  10. hic ualidus fidusque deo discrimina uictis
  11. abstulit et regem pauidum seruire coegit.
  12. talibus in rebus multos Iudaea per annos
  13. eualuit nullique fuit obnoxia fraudi.
  14. sed postquam princeps decurso tramite uitae
  15. decubuit, ritus ueteres plebs laeta reformat;
  16. tempora mutantur bellumque et seruitus instant,
  17. concurrunt populi, quos rex Eglonus agebat,
  18. Ammones Moabique simul fortesque Amalechi,
    19. [*]( 182 precepti A praecepit B 133 hiis B dispectis L 134 solus L socians L ritos C 136 prernuntur] pmuer C 137 ratomum L 138 dabat C dat L apnes B 139 insola UJ assyrios C asyrio L Assyriis 11 disiugens B 140 conhibens L annis C animis L 141 iudea BC 145 hac C mestas L 146 belatur L Ceneza p gezea C zezea L 147 calebo L 149 eitolit B 151 conegit L 152 iudea C 154 decurse tramite C decursa etramitae B decursa A tramite A corr. Mnyor 155 leta BC 158 quae AlB )
    185
  19. Hebraeamque aciem ferrata grandine fundunt,
  20. ipsaque Phoenicum uictores sceptra reuellunt.