Heptateuchos
Cyprianus Gallus
Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.
- quam pariter totum fas est cognoscere mundum. [*]( 33 )
- arca sacerdotum uehitur ceruicibus alma.
- quicumque ut uideant domini donaria summi. [*]( 34 )
- atque etiam uates populo benedicere suetus
- percurrit, quae iussa prius, quae cauta deinde,
- gestorum ratione pari atque ordine certo. [*]( 3 )
- at Gabaona manus postquam successibus altis
- Iudaeos creuisse uidet caesosque tyrannos
- urbibus euersis nullumque obsistere posse, [*]( 4 )
- callida uersuto celerant conludia facto [*]( 16 )
- et, quos contiguis regio coniunxerat aruis. [*]( 9 )
- confingunt discreta procul sese adfore terra
- mirantes tropaea uiri palmasque recentes,. [*]( 11 )
- si ualeant precibus uictori adiungere dextras
- et sociare domos totamque adnectere gentem
- uicturam ratione data. ni dissona corda .
- despiciant humiles et subdita colla retractent.
- utque fidis certae ualeant seruare colorem, [*]( 12 ) [*]( 4 )
- deprensos multo conpellant pondere mulos,
- putria portantes celeri molimine farra.