Heptateuchos
Cyprianus Gallus
Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.
- "Nam licet ignotos inter uideare morari,
- attamen inmensum genitor mansurus in orbem
- semine multiplici gaudebis crescere gentes,
- testamenta mei sument quae maxima uerbi."
- ilicet in Geraris socia cum coniuge degens,
- germanam potius paterno edisserit actu,
- ne commota leui cupidine turba Philistim
- coniugium uatis correptis tolleret armis.
- at rex, dum patula lustrat secreta fenestra,
- ludentem niuea cernit cum coniuge uatem,
- conubiumque uidens cunctos sub lege cohercet,
- ne sociam quisquam temptet raptare prophetae.
- iamque famem dudum patriis qui fugerat oris, [*](805 eonplet] AO 807 inlesus AC tectus (r1 809 toto] tot C 810 niliacamj nihil iam G 811 conpositos] AC nidentem G 812 prinius G 813 malasuada A famis u* 814 conpulit] GlA a] e C uates G descende// A 815 filistina CG Gargara] immo Gerara cf.824 816 amimelechau suo G 818 nfi A 821 adtamen G 822 multiplic C 823 quae] q. C 824 illicet C 825 fraterno A 826 ng A filistim A filisti CG 828 ad rex G 830 coercit G 831 profetae G 832 horis CG )
- hordea mollitae dum spargit credita terrae,
- centenos laeto carpsit de caespite fructus.
- nec minus interea placido ditescit in actu
- multimodas inter pecudes terramque feracem.
- continuo infelix torquet dum pectora, liuor
- inriguos turbat puteos atque aggere conplet,
- ut procul abscedens possessos linqueret agros.
32