Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. "Ast homo si ferro fuerit uel dente ferino
  2. perditus, inquiram," dixit, "qui talia faxunt;
  3. similibus dant colla modis fusura cruorem."
  4. diuidit hinc dominus placiti mox pignora uatis
  5. fecundasque iubet discretim sumere terras,
  6. ut uacuum denso conplerent germine mundum.
    7. [*]( 319 decureu iam mens edehinc A secundo C secando A secceindo G 820 restaurent C 822 nudatis] undatis G 828 araracum uu corr. p 324 reddens 011. G uu. 325-378 destmt G 825 extruiit A 826 ad- )[*]( 325-878 AC )[*]( que C 828 alant AC corr. a 329 consimile A terrae A 887 imperet et A 838 pecodum carnem A 342 dicit A faxuntj AC 844 placidi A 846 complerent A )
    14
  7. accipit hoc meritum domino donante propheta,
  8. vitis ut inuentor delibet candida uina.
  9. quem propere expletum cyathis somnoque grauatum
  10. derisit Chamus, de quo Channana iuuentus
  11. nascitur et proceris dixit de nomine gentem,
  12. fratribus ostentans nudatum membra parentem.
  13. qui pariles pietate tegunt uelantque iacentem:
  14. tergoribus studio iunctis dum lumina uertunt,
  15. sopitum gessere senem, nec turpia dictu
  16. membra uident, tenero flectentes colla pudore.
  17. id pietatis opus postquam iam mente serena
  18. cognouit uates, grassatum damnat in aeuum,
  19. germanis faciens ut sit postremus et acro
  20. subditus imperio fortesque exterritus oret.