Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. prosequitur ludas sese nec posse reuerti
  2. proclamat, rigidi testatus uerba Iosepi.
  3. haec ubi grandaeuus genitor iam mitior hausit,
  4. dat iuuenem, largo perfundens flumine uultum.
  5. illi abeunt secumque uehunt leue olentia tura,
  6. incensum et guttam iungentes cum terebintho,
  7. inter odoratos portantes mella uapores,
  8. et geminum pretium, consertus ne foret error,
  9. condita quod clausis fuerant nomismata saccis.
  10. quos ubi conspicua uidit Iosepus in aula,
  11. imperat, ut laeta celebrent conuiuia secum.
  12. fidus uenere tamen trepidoque reatu
  13. coniciunt sese structa cum fraude uocatos,
  14. quod numerata prius sestertia dataque uati
  15. sarcinulis inposta suis non reddere quissent,
  16. se tamen exsortes furtorum cuncta referre,
  17. nec consuesse prius exterritus uiuere gaza.
  18. talia dicentes cohibet sermone minister
  19. seque docet nullis fraudatum noscere nummis:
  20. uerum siqua uiris donarint commoda lucrum,