Heptateuchos

Cyprianus Gallus

Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.

  1. 1340 luminibus tacitis conuersus flebile plangit.
  2. haec inter media fratrum Symeona corona
  3. accipitur, fidus cunctis obeuntibus obses.
  4. tum petita sibi iuuenes frumenta capessunt
  5. inuentoque graues urgentur pondere muli.
  6. iamque uiae medio, dum soluit uincula sacci,
  7. fratribus inuentos quidam dat uisere nummos.,
  8. id cuncti faciunt, pretio mox deinde reperto
  9. mirantes summo procerem certamine laudant.
  10. iamque adeo patriae subeuntes limina sedis
  11. gratatur reduces genitor unumque requirit.
  12. omnia cognoscens nummosque et dona capessit,
    13. [*]( 1826 exosus A post h. u. spatium trium vel quattuor litt. uacuum  fetu p fotu G fatu A 1828 uatis G 1329 duro d 1880 genetor G 1332 tenendum] tuendum  1884 surgunt G 1885 inmeritum]  uctito] uendito d transacribere d pactn d pace G 1836 post conisi spatium uacuum aex liti. A 1887 ingrabat JL 1888 ac  a G nollente G 1389 uatis dG 1340 aenile planget G 1841 symeona (e ex i carr.) G simoena A 1342 obeuntibuB A rediuntibus G 1848 capissunt AG 1844 inuento A imento G immenso Martenius 184 7 precio G praetio d 1348 summo  suumó G procerem d procere G 1849 limina] lumina d 1850 requiret G 1351 capisait A capisset G )
    51
  13. conquestus grauiter alium iam defore natum.
  14. accisi cum deinde cibi aduectaque farra
  15. cogebant rursus pretiis alimenta parare;
  16. sed reuocare gradum Memphis mens non erat ulli,
  17. ni minimum fratrem secum pater ire iuberet.
  18. quem cum plura gemens nollet dimittere quoquam,
  19. Rubenus fido germanum postulat ore,
  20. securus gemina com mittens pignora patri.