Heptateuchos
Cyprianus Gallus
Cyprianus Gallus. Cypriani Galli Poetae Heptateuchos (Corpus Scriptorum Ecclesiasticorum Latinorum, Volume 23). Peiper, Rudolf, editor. Prague; Vienna; Leipzig: Tempsky, Freytag, 1891.
- carduus et spinis multum paliurus acutis,
- ut cum uisceribus lassis et pectore maesto
- plurima sollicitos praestent suspiria uictus,
- donec in occiduo uenientis tempore mortis,
- unde geris corpus, terrae reddare iacenti." [*]( 98 promtim G 99 cadenti G 101 protenus G aeuam C euam L euuam G 103 serpentis om. A loq.ta C loquellis G loquentis A 104 efallente A falente G 107 illicet C condempnat C dragonis G 108 uisere m 109 pro//repere (duabus litteris eras-is) G 110 mandare G pandere m temporę C 111 labantem m 113 et] ut A calcet m calcent Oehler 114 suadelis C loquelis m 118 inmitil AC quae] q. GC 121 pinis G 123 plurima: a ex i pr. corr. G sollicitus praestet Riuinus )
- His actis dominus trepidis dat taedia uitae
- deiectosque procul sacratis dimouet hortis
- obuersosque locat medioque eliminat igni,
- in quo perceleri Cherubin euoluitur aestu.
- dum calidus deferuet apex flammasque uolutat.
- quis dominus, pigro ne frigore membra rigerent.
- consuit euulsas pecudum de uiscere pelles,
- operiens nudos calidis de uestibus artus.
- Ergo ubi coniugio sese iam fidus Adamus
- esse uirum sensit, nomen genetricis amatae
- exhibet uxori: binos e germine fetus
- continuo genitor diuersis nuncupat orsis:
- Cainis hic nomen habet, cui iunctus Abelus
- innocuas multa seruabat cura bidentes:
- ast alius curuo terram uertebat aratro.
6