Panegyricus de sexto consulatu Honorii Augusti

Claudian

Claudian, Volume 2. Platnauer, Maurice, editor. Harvard University Press: Cambridge, MA; London, England, 1922.

  1. furto gaudet amans, permutat navita merces
  2. et vigil elapsas quaerit avarus opes,
  3. blandaque largitur frustra sitientibus aegris
  4. inriguus gelido pocula fonte sopor.
  5. Me quoque Musarum studium sub nocte silenti
  6. artibus adsuetis sollicitare solet.
  7. namque poli media stellantis in arce videbar
  8. ante pedes summi carmina ferre Iovis;
  9. utque favet somnus, plaudebant numina dictis
  10. et circumfusi sacra corona chori.
  11. Enceladus mihi carmen erat victusque Typhoeus:
  12. hic subit Inarimen, hunc gravis Aetna domat.
    13. v.2.p.72
  13. quam laetum post bella Iovem susceperat aether
  14. Phlegraeae referens praemia militiae!
  15. Additur ecce fides nec me mea lusit imago,
  16. inrita nec falsum somnia misit ebur.
  17. en princeps, en orbis apex aequatus Olympo!
  18. en quales memini, turba verenda, deos!
  19. fingere nil maius potuit sopor, altaque vati
  20. conventum caelo praebuit aula parem.