Ludus Septem Sapientum

Ausonius, Decimus Magnus

Ausonius, Decimus Magnus. Ausonius, Volume 1. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1919.

  1. ne primus esset, ne vel imus quispiam.
  2. eorum e medio prodeo gyro Solon,
  3. ut, quod dixisse Croeso regi existimor,
  4. id omnis hominum secta sibi dictum putet.
  5. Graece coactum est ὄρα τέλοσ μακροῦ βίου,
  6. quod longius fit, si Latine dixeris:
  7. spectare vitae iubeo cunctos terminum.
  8. proinde miseros aut beatos dicere
  9. evita, quod sunt semper ancipiti in statu.
  10. id adeo sic est. si queam, paucis loquar.
    11. v.1.p.318
  11. Rex an tyrannus Lydiae, Croesus, fuit
  12. his in beatis, dives insanum in modum,
  13. lateribus aureis templa qui divis dabat,
  14. is me evocavit. venio dicto oboediens,
  15. meliore ut uti rege possint Lydii.
  16. rogat, beatum prodam, si quem noverim.
  17. Tellena dico civem non ignobilem:
  18. pro patria pugnans iste vitam obiecerat.
  19. despexit, alium quaerit, inveni Aglaum:
  20. fines agelli proprii is numquam excesserat.