Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. EXCIPS adverso quod pectore vulnera septem,
  2. arma super velleris quod, Thrasybule, tua,
  3. non dolor hic patris est, Pitanae sed gloria maior.
  4. rarum, tam pulchro funere posse frui.
  5. quem postquam maesto socii posuere feretro,
  6. talia magnanimus edidit orsa pater:
  7. “Flete alios, natus lacrimis non indiget ullis.
  8. et meus, et talis, et Lacedaemonio.”
  1. MAGNANIMA
  2. MATER Lacaena clipeo obarmans filium,
  3. Cum hoc, inquit, aut in hoc redi.
    4. v.1.p.184
  1. QUIDAM superbus opibus et fastu tumens
  2. tantumque verbis nobilis
  3. spernit vigentis clara saecli nomina,
  4. antiqua captans stemmata,
  5. Martem Remumque et conditorem Romulum