Epigrammaton Liber

Ausonius, Decimus Magnus

Ausonius, Decimus Magnus. Ausonius, Volume 2. Evelyn-White, Hugh G. (Hugh Gerard), editor. London, Cambridge, MA: William Heinemann, Ltd.; Harvard University Press, 1921.

  1. QUI primus, MEROE, nomen tibi condidit, ille
  2. Thesidae nomen condidit Hippolyto,
  3. nam divinare est, nomen componere, quod sit
  4. fortunae et morum vel necis indicium.
  5. Protesilae, tibi nomen sic fata dederunt,
  6. victima quod Troiae prima futurus eras.
  7. ldmona quod vatem, medicum quod Iapyga dicunt,
  8. discendas artes nomina praeveniunt.